ԵՐԵՎԱՆ, 10 մայիսի — Sputnik. Գերմանական Մյունխեն քաղաքի երկաթուղային կայարանում տեղի ունեցած հարձակման հետևանքով մեկ մարդ է մահացել, հայտնում է ՌԻԱ Նովոստին` հղում անելով Bayerische Rundfunk ռադիոկայանին։
Վնասվածքներ է ստացել 4 մարդ, որոնցից մեկը մահացել է հիվանդանոցում։
Ավելի վաղ Վերին Բավարիայի ոստիկանության պաշտոնական ներկայացուցիչ Միխայելա Գրոբը հայտնել էր, որ անհայտ անձի հարձակման հետևանքով տուժել է 5 մարդ։ Դեպքը տեղի է ունեցել մոտավորապես 04։50-ին Գրաֆինգ երկաթգծի կայարանում։
Կասկածվող անձը ձերբակալված է, նրա ինքնությունը պարզվում է։
Մյունխենի դատախազության ներկայացուցիչ Քեն Հանդենրայխը ՌԻԱ Նովոստիին հայտնել է, որ հարձակման պահին կասկածյալն «Ալլահ աքբար» է բացականչել։ Նրա հարձակման դրդապատճառների մասին առայժմ ոչինչ հայտնի չէ։
