ԵՐԵՎԱՆ, 20 ապրիլի — Sputnik. Տիգրան Համասյանը տարվա լավագույն միջազգային գործիքավորող է ճանաչվել իր «Mockroot» ալբոմի համար, հայտնում է ECHO Jazz Awards– 2016-ի կայքը։
Նշենք, որ «Mockroot» ալբոմում տեղ են գտել ինչպես Համասյանի գրած ստեղծագործությունները, այնպես էլ հայկական ավանդական երաժշտության նրա մեկնաբանությունները` «Կարս 1», «Կարս 2 (դարերի վերքերը)», «Եղրևանի» և այլ գործեր:
ECHO Jazz մրցանակը շնորհում է Deutsche Phono-Akademie-ն (Ձայնագրման գերմանական ակադեմիա), այն իր նշանակությամբ հավասարազոր է «Գրեմմի»-ին:
Կազմակերպությունը ECHO Music awards մրցանակը հանձնում է սկսած 1992 թվականից, սակայն ջազային երաժշտության համար մրցանակ շնորհվում է 2010-ից։
The ECHO Jazz 2016 մրցույթում տարբեր անվանակարգերում հաղթած արտիստներն իրենց մրցանակները կստանան Համբուրգում մայիսի 26-ին: