ԵՐԵՎԱՆ, 21 դեկտեմբերի- Sputnik. «Միսս տիեզերք 2015» տիտղոսը նվաճել է Ֆիլիպինների ներկայացուցիչ Պիա Ալոնսո Վուրտսբախը, մրցույթի հեռարձակումն իրականացրել է Fox ալիքը։
Հաղորդավարի սխալի պատճառով թագը հանձնել են Կոլումբիայի ներկայացուցչին։ Մի քանի րոպե անց հայտարարել են հաղթողի անունը, և թագը նրա գլխից հանել ու հանձնել են 26-ամյա Վուրտսբախին։ Մոդելը ծնվել է Գերմանիայում, որոշ տեղեկությունների համաձայն, նա ռոմանտիկ հարաբերությունների մեջ է Ֆիլիպինների նախագահ Բենիգնո Ակինո 3-րդի հետ, գրում է ՌԻԱ Նովոստին։
Թագը հաղթողին է հանձնել «Միսս տիեզերք 2014»-ը` կոլումբիացի մոդել Պաուլինա Վեգան։
Տիտղոսի համար պայքարել են 80 երկրի ներկայացուցիչներ։ Ռուսաստանը մրցույթում ներկայացրել է 19-ամյա Վլադիսլավա Եվտուշենկոն, որը չի ընդգրկվել եզրափակիչ փուլ անցած 15 մասնակիցների ցանկում։
