ԵՐԵՎԱՆ, 7 դեկտեմբերի — Sputnik. Հայաստանում սահմանադրական փոփոխությունների հանրաքվեի մասնակիցների մեծ մասը կողմ է քվեարկել սահմանադրական բարեփոխումներին։ Այս տվյալները ներկայացրել է ԿԸՀ-ն, որն ավարտել է 1997 տեղամասերի քվեների հաշվարկները:
Սահմանադրական բարեփոխումներին կողմ է քվեարկել 825622 մարդ (հանրաքվեի մասնակիցների 63,35% կամ քվեարկության մասնակիցների ցուցակում ընդգրկվածների 32,17%-ը), «դեմ»` 421593 մարդ (մասնակիցների 32,35%-ը կամ քվեարկության մասնակիցների ցուցակում ընդգրկվածների 16,42%-ը)։
Քվեարկության մասնակիցների ցուցակում ընդգրկված է եղել 2 մլն 550 հազար 323 քաղաքացի, հանրաքվեին մասնակցել է 1 մլն 296 հազար 368-ը կամ ցուցակում ներառված անձանց 50,51%-ը։
Ընդդիմությունը նախօրեին մինչ ուշ գիշեր բողոքի ցույց է անցկացրել ԿԸՀ-ի մոտ և բողոքարկել ընտրությունների արդյունքները։ Կազմակերպիչները հայտնել են, որ շարունակելու են բողոքել և երկուշաբթի ժամը 16։00-ին կրկին հանրահավաք են անցկացնելու։
